१३ साउन २०८३ , बुधबार | July 29, 2026 Wednesday
२०८२ साउन १८ गते ०१:२८ मा प्रकाशित
टेबल माथि कम्प्युटरले गरेको छ राज
सबैलाई मै चाहिन्छ भन्दै हिँड्छ आज ।
अडेको छ यो दुनियाँ मैले गर्दा खेरि
फुर्ती झार्दै भन्ने गर्छ भाका फेरी फेरी ।
सधैँ जसो चलाउँछ यो नयाँ नयाँ खेल
थोरै बिग्रे धेरै खर्च गर्छ जाल झेल ।
झनै बढी बिग्रेपछि फाल्नुपर्ने हुन्छ
आफै चल्न नजान्नेको फुर्ती धेरै हुन्छ ।
नेतालाई झैँ चार्जै गर्नुपर्ने हुँदो रै’छ
जान्ने बुझ्ने केही होइन त्यसै मै मै गर्छ ।
नेता जस्तो भइदिन्छ भए टुटफुट
फाल्नलाई तयार हुन्छन् सबै एकजुट ।
जनताले जान्नुपर्छ चलाउन यी चिज
अनि मात्र फस्टाउँछन् विकासका बीज ।
पोखरा-८, सिमलचौर
© 2026 All right reserved to usnepaltoday.com | Site By : SobizTrend
