१३ साउन २०८३ , बुधबार | July 29, 2026 Wednesday
२०८२ माघ २१ गते २३:२२ मा प्रकाशित
हिउँदको वर्षा, चिसो छ साँझ,
न्यानो सम्झना ल्याउँछ सबमाझ।
हिउँदको वर्षा, मौन छ मन,
तर आशाले भरिएको छ गगन।
रूखहरूभए नाङ्गा, पातहरू हराए,
हावा पनि त मन्द बगिरह्यो।
तर तिमी आयौ सम्झनामा,
हिउँदमा पनि न्यानो स्पर्शमा।
हिउँदे पानीको थोपामा लुकेको कथा,
मनको गहिरो पीडा अनि छ ब्यथा ।
शुन्य आकाशले बोल्छ मौनता,
सपना झैँ झरिरहेछ वर्षा।
चिसोमा पनि तातो छ आशा,
वसन्त फेरि आउँछ नि अबता ।
हिउँदको वर्षा सकिएपछि,
जीवनमा फेरि मुस्काउँछ आशा।
पिताम्बर पौडेल
पृथ्वीनारायण क्याम्पस, पोखरा
© 2026 All right reserved to usnepaltoday.com | Site By : SobizTrend
