१३ साउन २०८३ , बुधबार | July 29, 2026 Wednesday
२०८२ साउन ५ गते ००:३० मा प्रकाशित
लस एन्जलस, लस एन्जलसको पूर्वी हलिउडमा शनिबार राती कारले भीडमा हमला गरेपछि कम्तिमा ३० जना घाइते भएका छन् । यो घटना सान्टा मोनिका बुलेवार्ड र भर्मोन्ट एभेन्यू नजिकैको “द भर्मोन्ट” नामक क्लब बाहिर भएको हो ।
लस एन्जलस फायर डिपार्टमेन्टले बताए अनुसार, घाइतेमध्ये ७ जना गम्भीर अवस्थामा छन् भने २३ जनालाई अस्पताल लगिएको छ । प्रहरी अनुसार, कार चलाउने व्यक्तिलाई क्लबबाट निकालिएपछि उसले भीडमा कार हाकेको थियो । कार रोकिएपछि भीडले ड्राइभरलाई कारबाट तानेर मारपीट गरेका थिए । यसै बीचमा अर्को एक व्यक्तिले ड्राइभरलाई गोली हानेको छ । ड्राइभर अहिले अस्पतालमा छन् भने गोली हानेको व्यक्ति फरार छ ।
प्रहरीले गोली हानेको संदिग्धलाई खोजी गरिरहेका छन् । उनी हिस्पानिक जातिका पुरुष हुन्, मुण्डाएको टाउको, निलो जर्सी लगाएका र चाँदीको रिभल्वर बन्दुक लिएको देखिएको छ । यो घटनाको कारण र उद्देश्य अझै प्रहरीले अनुसन्धान गरिरहेका छन्।
Photo: AI generated
© 2026 All right reserved to usnepaltoday.com | Site By : SobizTrend
