५ असोज २०८३ , सोमबार | September 21, 2026 Monday
२०८३ साउन २ गते ०१:५६ मा प्रकाशित
अमेरिका । अमेरिकाले साउदी अरेबियालाई करिब १ अर्ब ९६ करोड अमेरिकी डलर बराबरको हतियार बिक्री गर्न स्वीकृति दिएको छ। अमेरिकी विदेश मन्त्रालयका अनुसार यो सम्झौताले साउदीको हवाई सुरक्षा क्षमता सुदृढ बनाउनुका साथै खाडी क्षेत्रमा अमेरिकी सुरक्षा रणनीतिलाई सहयोग पुर्याउनेछ।
स्वीकृत प्याकेजअन्तर्गत साउदीले २० हजारसम्म ‘एडभान्स्ड प्रिसिजन किल वेपन सिस्टम’ (एपीकेडब्लुएस) प्राप्त गर्नेछ। यो प्रणालीले नजिकको युद्धमा अतिरिक्त क्षति कम गर्दै लक्ष्यमाथि प्रभावकारी आक्रमण गर्न मद्दत गर्ने बताइएको छ।
साउदी–हुथी तनाव पुनः बढिरहेका बेला गरिएको यो निर्णयलाई क्षेत्रीय सुरक्षा सुदृढ गर्ने महत्वपूर्ण कदमका रूपमा हेरिएको छ।
© 2026 All right reserved to usnepaltoday.com | Site By : SobizTrend
