१३ साउन २०८३ , बुधबार | July 29, 2026 Wednesday
२०८२ मंसिर १९ गते २२:०३ मा प्रकाशित
अमेरिका । अमेरिकी यातायात सचिव शोन डफीले आगामी वर्ष अमेरिकामा हुने फिफा विश्वकपका लागि विदेशबाट आउने दर्शकहरूको यात्रा प्रक्रिया “सिमलेस” अर्थात् झन्झटमुक्त बनाइने बताएका छन्।
वाशिङटनस्थित यातायात विभाग (DOT) मुख्यालयमा भएको विश्वकप स्वागत समारोहमा बोल्दै डफीले भने, “यदि तपाईं विश्वभरिबाट हेर्दै हुनुहुन्छ भने, हामी तपाईंलाई अमेरिकामा सहज रूपमा आउने वातावरण बनाइदिन्छौं। विश्वकपको रोमाञ्चक क्षणहरू सहजै मजा लिन सकुन् भन्ने हाम्रो लक्ष्य हो।”
विश्वकप नजिकिँदै जाँदा अमेरिकाको कडा हुँदै गएको आप्रवासन नीति र त्यसले विदेशी दर्शकहरूको भ्रमण इच्छामा पर्न सक्ने सम्भावित असरबारे चिन्ता व्यक्त हुँदै आएको थियो। यसै सन्दर्भमा, प्रशासनले गत महिना भिसा अन्तर्वार्ता छिटो पाउन सकिने योजना सार्वजनिक गरेको थियो।
विश्वकपको ‘ड्र’ (समूह छनोट) यही शुक्रवार वाशिङटनमा हुने कार्यक्रम तय गरिएको छ। 
Photo: Social Media
© 2026 All right reserved to usnepaltoday.com | Site By : SobizTrend
