१३ साउन २०८३ , बुधबार | July 29, 2026 Wednesday
२०८३ जेष्ठ ३० गते २१:२२ मा प्रकाशित
अमेरिका । अमेरिकी राष्ट्रपति डोनल्ड ट्रम्प (Donald Trump) ले भेनेजुएलास्थित कुख्यात आपराधिक समूह ट्रेन डे आरागुआ का नेता हेक्टर रुस्थेनफोर्ड गुरेरो फ्लोरेस उर्फ ‘निन्यो गुरेरो’ अमेरिकी सैन्य हमलामा मारिएको बताएका छन् । ट्रम्पले सामाजिक सञ्जालमार्फत अमेरिकी दक्षिणी कमाण्डले सञ्चालन गरेको लक्षित आक्रमणमा गुरेरो मारिएको र उक्त कारबाही भेनेजुएली अधिकारीहरूसँग समन्वय गरेर गरिएको जनाएको छ ।
अमेरिकाले ट्रेन डे आरागुआलाई विदेशी आतंकवादी संगठनको सूचीमा राखेको छ । गुरेरोविरुद्ध न्यूयोर्कको संघीय अदालतमा आतंकवादलाई सहयोग, आपराधिक षड्यन्त्र तथा अन्य गम्भीर अपराधका आरोपमा मुद्दा दर्ता गरिएको थियो। ट्रम्पले आफ्नो प्रशासनले लागूऔषध तस्करी र संगठित अपराधविरुद्धको अभियानलाई अझ कडा बनाउने बताएका छन् ।
ट्रेन डे आरागुआ भेनेजुएलाबाट सुरु भएको अन्तर्राष्ट्रिय आपराधिक सञ्जाल हो, जसको गतिविधि मानव तस्करी, लागूऔषध कारोबार, अपहरण र हिंसात्मक अपराधसँग जोडिएको मानिन्छ ।
© 2026 All right reserved to usnepaltoday.com | Site By : SobizTrend
