रियाद, साउदी अरेबिया । नेपाली राजदुतावास, रियादले साउदी अरेबियाको जुवेल (Jubail) मा दुई दिने घुम्ती राहदानी सेवा शिविर सञ्चालन गर्ने भएको छ। राजदूतावासद्वारा जारी सूचना अनुसार, जुवेल र आसपासका क्षेत्रमा रहेका नेपाली नागरिकहरूलाई राहदानी सम्बन्धी सेवा सहज रूपमा उपलब्ध गराउने उद्देश्यले यो शिविर आयोजना गर्न लागिएको हो ।

शिविर सम्बन्धी विवरण:
मिति: २०८३ जेठ ०८ र ०९ गते (मे २२ र २३, २०२६), शुक्रवार र शनिवार।
स्थान: शार्ख एसियन रेस्टुरेन्ट (Sharq Asian Restaurant), जुवेल।
समय: बिहान ९:०० बजेदेखि दिउँसो ४:०० बजेसम्म (समय आवश्यकता अनुसार परिवर्तन हुन सक्नेछ)।
उपलब्ध सेवाहरू: राहदानी नवीकरण र राहदानी वितरण।

सेवाग्राहीका लागि महत्त्वपुर्ण जानकारी:
राहदानी नवीकरण गर्न चाहने सेवाग्राहीहरूले अनिवार्य रूपमा अनलाइन Pre-enrollment Form भरेको हुनुपर्नेछ। फारम भरेको मितिमा मात्र शिविरमा उपस्थित हुन राजदूतावासले आग्रह गरेको छ। राहदानी फारम भर्नका लागि विभागको आधिकारिक लिङ्क https://emrtds.nepalpassport.gov.np/ प्रयोग गर्न सकिनेछ।
शिविर सञ्चालन हुने स्थानको लोकेसन गुगल म्यापमार्फत https://maps.app.goo.gl/kMREPjkQgc6smx1M9 मा हेर्न सकिने जानकारी दिइएको छ।