५ असोज २०८३ , सोमबार | September 21, 2026 Monday
२०८३ बैशाख १५ गते ०७:२३ मा प्रकाशित
कीर्तिपुर, सरकारले कीर्तिपुरस्थित अन्तर्राष्ट्रिय क्रिकेट रङ्गशालाको लिज सम्झौता अवधि थप गर्ने निर्णय गरेको छ। सोमबार बसेको मन्त्रिपरिषद् बैठकपछि सरकारका प्रवक्ता तथा शिक्षा तथा खेलकुद मन्त्रीले उक्त निर्णय सार्वजनिक गरेका हुन्।
त्रिभुवन विश्वविद्यालयको परिसरभित्र रहेको करिब ७६ रोपनी क्षेत्रफलमा फैलिएको रङ्गशाला नेपाल क्रिकेट सङ्घ (क्यान) ले २५ वर्षका लागि सञ्चालन गर्दै आएको थियो, जसको अवधि वैशाख मसान्तमा सकिँदै थियो। सम्झौता नवीकरणको विषयमा अन्य सङ्घसंस्थासँगै क्यान पनि परेको भए पनि रङ्गशालाको राष्ट्रिय महत्वका कारण नवीकरण हुने निश्चित भएको छ।
हालै सरकारले झन्डै एक अर्ब रुपैयाँ खर्चेर १० हजार दर्शक अट्ने प्यारापिट र फ्लड लाइट जडानसहित रङ्गशालाको स्तरोन्नति गरेको छ। क्यानले आगामी दिनमा थप पूर्वाधार निर्माण गर्ने योजना बनाएको छ भने त्रिविले रङ्गशालालाई भत्काउने हल्ला असत्य रहेको स्पष्ट पारेको छ।
Photo: CAN
© 2026 All right reserved to usnepaltoday.com | Site By : SobizTrend
