१३ साउन २०८३ , बुधबार | July 29, 2026 Wednesday
२०८२ माघ २ गते ०६:४४ मा प्रकाशित
काठमाडौँ । राष्ट्रिय स्वतन्त्र पार्टीका सभापति रवि लामिछानेविरुद्ध विभिन्न जिल्ला अदालतमा विचाराधीन सम्पत्ति शुद्धीकरण र संगठित अपराधसम्बन्धी अभियोग पत्र संशोधन गर्न महान्यायाधिवक्ता सविता भण्डारीले सरकारी वकिल कार्यालयहरूलाई निर्देशन दिएकी छन् । लामिछानेको निवेदनका आधारमा कास्की, रुपन्देही, काठमाडौँ र पर्साका सरकारी वकिललाई अभियोग पत्र संशोधनका लागि अदालतमा निवेदन दिन भनिएको हो।
महान्यायाधिवक्ताले ठोस प्रमाण र पर्याप्त अनुसन्धानबिनै पूरक अभियोग पत्र दायर भएको, सहकारी ठगीमा लामिछानेको संलग्नता नदेखिएको तथा प्रतिशोधका आधारमा मुद्दा लगाइएको दाबीलाई आधार मानेकी छन्। अब जिल्ला अदालतले अनुमति दिए अभियोग पत्र संशोधन हुनेछ, नदिए पुरानै अभियोग पत्र कायम रहनेछ। यस विषयले कानुनी तथा राजनीतिक बहसलाई थप चर्काएको छ ।
© 2026 All right reserved to usnepaltoday.com | Site By : SobizTrend
