काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले पूर्वराष्ट्रपति विद्या भण्डारीको पार्टी सदस्यता नवीकरण (रिन्यु) गर्ने नगर्ने विषयमा पार्टीले छलफल गरेर निर्णय गर्ने बताएका छन्।

आज पार्टीको पोलिटव्यूरो बैठकलाई सम्बोधन गर्दै ओलीले भण्डारी अहिले सक्रिय राजनीतिमा फर्कने छैनन् भन्ने विश्वास गरेको बताए । उनले भण्डारीलाई दुई पटक राष्ट्रपति बनाइएको पनि याद गरे। बैठकमा सहभागी एक जनाले बताए अनुसार, भण्डारीको सदस्यता अहिलेसम्म नवीकरण भएको छैन।

ओलीले पार्टीभित्र अराजकता (असन्तुलन) रोक्नुपर्ने पनि जोड दिए। उनले भने, “पार्टीमा ठूलो आक्रमण भइरहेको छ। यस्तो समयमा पार्टीभित्रबाट समस्या उठाउनु ठिक होइन। यसलाई तुरुन्त रोकिनुपर्छ। नरोकिए पार्टीले नै रोक्नेछ।”

उनले राष्ट्रपति भण्डारीले सक्रिय राजनीतिमा फर्कने बारे अखबारबाट मात्र थाहा पाएको पनि स्पष्ट गरे। साथै, उनले सक्रिय राजनीति र पार्टी अध्यक्ष बन्ने कुरा फरक-फरक हुन् भन्ने बताए।

ओलीले पार्टीका नियमबारे गलत धारणा राख्नेहरूलाई चेतावनी दिँदै पार्टीको प्रकृया अनुसार छलफल गर्नुपर्ने र बाहिरबाट आक्रमण आएको बेला पार्टीभित्रै एकताबद्ध हुनुपर्ने आवश्यकता बताए।