१३ साउन २०८३ , बुधबार | July 29, 2026 Wednesday
२०८२ कार्तिक १५ गते ०८:२८ मा प्रकाशित
सरकारले विदेशमा रहेका नेपाली नागरिकलाई मताधिकार दिने उद्देश्यले अध्यादेशको मस्यौदा तयार गरी निर्वाचन आयोगसँग परामर्श सुरु गरेको छ । ६ वर्षअघिको सर्वोच्च अदालतको परमादेश र जेन–जी (Gen-Z) समुहको मागलाई सम्बोधन गर्न गृह मन्त्रालयले उक्त मस्यौदा तयार पारेको हो ।
मस्यौदामा विदेशस्थित नेपाली कुटनीतिक नियोगहरूमा मतदान केन्द्र तोकी मतदान गर्ने व्यवस्था मिलाइने उल्लेख छ। साथै, योग्य मतदाताको नामावली संकलन, अनलाइन फारम भर्ने सुविधा र मतदान अधिकृत नियुक्त गर्ने प्रक्रियासमेत समावेश गरिएको छ ।
निर्वाचन आयोगका प्रवक्ता नारायणप्रसाद भट्टराईका अनुसार, आयोगले मतदान गराउन सक्ने वा नसक्नेबारे व्यवस्थापकीय र प्राविधिक पक्षमा आन्तरिक छलफल गरिरहेको छ। आयोगले अन्य मुलुकका अन्तर्राष्ट्रिय अभ्यासहरूको अध्ययनसमेत गरिरहेको र एक–दुई दिनभित्र गृह मन्त्रालयलाई आफ्नो सुझाव पठाउने तयारी गरेको उनले बताए ।
यो व्यवस्थाले समानुपातिक निर्वाचन प्रणालीअन्तर्गत विदेशमा रहेका नेपाली नागरिकलाई मताधिकार प्रयोग गर्न सक्ने बाटो खोल्नेछ।
© 2026 All right reserved to usnepaltoday.com | Site By : SobizTrend
