१३ साउन २०८३ , बुधबार | July 29, 2026 Wednesday
२०८२ कार्तिक ५ गते ०७:२१ मा प्रकाशित
काठमाडौं । गृहमन्त्री ओमप्रकाश अर्यालले ‘अमेरिका भागेको’ भनी दाबी गरेका नेपाली कांग्रेसका नेता तथा पूर्वमन्त्री दीपक खड्का आफ्नो क्षतिग्रस्त घरमा सार्वजनिक भएका छन् ।
पुर्वमन्त्री खड्का हाल बुढानीलकण्ठस्थित आन्दोलनकारीले जलाइदिएको आफ्नै घरमा पत्रकारहरूसँग अन्तरक्रिया गरिरहेका छन् । यसअघि गृहमन्त्री अर्यालले सरकारले सम्पत्ति छानबिन सुरु गरेपछि खड्का देश छाडेर भागेको दाबी गरेका थिए ।
गृहमन्त्री अर्यालले एक अन्तर्वार्ताका क्रममा भनेका थिए, “तत्कालीन ऊर्जामन्त्री (दीपक खड्का) भागिसके, अरू पनि भाग्न खोज्दै छन्, उनीहरूलाई भाग्नबाट रोक्नेसम्बन्धी प्रावधान छ कि भनेर अध्ययन गरिरहेका छौँ ।” गृहमन्त्रीको यही दाबी सार्वजनिक भएपछि खड्का आफ्नो जलेको घरमा उपस्थित भएका हुन् ।
© 2026 All right reserved to usnepaltoday.com | Site By : SobizTrend
