१३ साउन २०८३ , बुधबार | July 29, 2026 Wednesday
२०८२ असोज ३० गते २२:०० मा प्रकाशित
रुपन्देही । सुप्रिम सहकारी ठगी मुद्दाको सुनुवाइ गर्दै उच्च अदालत तुलसीपुर, बुटवल इजलासले राष्ट्रिय स्वतन्त्र पार्टी (रास्वपा) का सभापति रवि लामिछाने र पुर्व डीआईजी छविलाल जोशीको मुद्दाको फाइल एकैसाथ पेश गर्न आदेश दिएको छ ।
आफुहरूले बिगो बराबरको रकम बुझाएर बाहिरै बसी मुद्दा लड्न पाउनुपर्ने माग गर्दै लामिछाने र जोशीले उच्च अदालतमा रिट दायर गरेका थिए । अदालतले सोही रिटमा सुनुवाइ गर्दै दुवै जनाको मुद्दाको फाइल एकसाथ पेस गर्न आदेश दिएको हो ।
यसअघि, जिल्ला अदालतले लामिछाने र जोशी दुवैले समान रकमको धरौटी (जमानत) बुझाए पनि उनीहरूको व्यक्तिगत हिस्सामा कति बिगो पर्छ भन्ने स्पष्ट नभएको कारण देखाउँदै रिहा गर्न नमिल्ने आदेश गरेको थियो ।
जिल्ला अदालतको उक्त आदेशपछि उनीहरू उच्च अदालत पुगेका हुन् । ‘जेनजी आन्दोलन’ पछि पनि लामिछाने र जोशीको फाइल भने सुरक्षित (अदालतमा विचाराधीन) छन् ।
© 2026 All right reserved to usnepaltoday.com | Site By : SobizTrend
