१३ साउन २०८३ , बुधबार | July 29, 2026 Wednesday
२०८२ असोज १९ गते ०५:१० मा प्रकाशित
काठमाडौं । शनिबार बिहानैदेखि सुरू भएको अविरल वर्षा र त्यसले निम्त्याएको मौसमी प्रतिकुलताका कारण त्रिभुवन अन्तर्राष्ट्रिय विमानस्थलबाट हुने सबै आन्तरिक उडान बन्द गरिएका छन् ।
विमानस्थलका महाप्रबन्धक हंशराज पाण्डेका अनुसार, मध्यान्हदेखि आन्तरिक उडान बन्द गरिएको हो र अर्को सुचना नआएसम्म उडान पुनः सञ्चालन नहुने जानकारी दिइएको छ ।
शनिबार आन्तरिकतर्फ १५ वटा उडान रद्ध गरिएका छन्। बुद्ध एयरका ९, यतीका ४ र श्री एयरलाइन्सका २ उडान रद्ध भएका छन् ।
अपरान्हदेखि रातिसम्म तय गरिएका एयर इन्डियाका तीन वटा उडान रद्ध गरिएका छन् । यसका साथै, मुम्बई, नारिता, कुनमिङ, आबुधाबी र दोहाबाट आएका दर्जनौं अन्तर्राष्ट्रिय उडानहरू लखनउ, दिल्ली, ढाका, बनारस लगायतका विमानस्थलमा डाइभर्ट गरिएको छ ।
महाप्रबन्धक पाण्डेले कम्तीमा दुई दर्जन अन्तर्राष्ट्रिय उडानहरू मौसमी प्रतिकुलताका कारण अन्योलग्रस्त रहेको बताउनुभएको छ ।
© 2026 All right reserved to usnepaltoday.com | Site By : SobizTrend
